Innføring i rettleiing for lærarar

Målet med emnet er å gje ei innføring i grunnleggjande kunnskap og ferdigheiter som kan støtte rettleiing av studentar i praksis. Emnet er også relevant for kollegarettleiing. Emnet gjev innsikt i korleis rettleiing kan nyttast i pedagogiske, faglege og utviklingsretta læringsprosessar.

Emnet legg vekt på praktiske rettleiingsøvingar, refleksjon over eiga rolle som rettleiar og utvikling av eit fagleg grunnlag for eigen rettleiingspraksis.

Innhald:

Studiet tar opp tema som

• grunnleggjande teoriar, metodar og omgrep innan rettleiing

• relasjon, kommunikasjon og samspel i rettleiingssituasjonar

• rettleiaren si rolle, ansvar og funksjon

• læring, refleksjon og profesjonell utvikling

• etiske utfordringar og dilemma i rettleiing

• vurdering og utvikling av eigen rettleiingspraksis

Studiet kombinerer fysiske samlingar og gruppearbeid på universitetsskulene med lesing av relevant faglitteratur og nettbasert undervisning bygd opp av ulike modular med korte videoar, podkastar, med meir.

Studenten skal ved avslutta emne ha følgjande læringsutbytte:

Kunnskap

Studenten

• har kunnskap om sentrale omgrep, teoriar og metodar innan rettleiing

• har kunnskap om relasjon, kommunikasjon og samspel i eit rettleiingsperspektiv

• har kunnskap om rettleiaren sine roller og funksjonar i praksisrettleiing

Ferdigheiter

Studenten

• kan nytte grunnleggjande rettleiingsmetodar i møte med studentar i praksis

• kan leggje til rette for dialog, refleksjon og læring i rettleiingssituasjonar

• kan reflektere over rettleiing som del av ein pedagogisk og fagleg lærings- og utviklingsprosess

Generell kompetanse

Studenten

• kan kritisk vurdere og reflektere over eiga rolle som rettleiar og grunngje val i eigen rettleiingspraksis

• kan identifisere etiske utfordringar og dilemma i rettleiing

• kan nytte rettleiing til å støtte læring, meistring og profesjonell utvikling hos studentar i praksis