Beredskap og operativ teamleiing

Emnet har som mål at deltakarane skal utvikle kompetanse for å kunne inngå som operativ del av totalforsvaret. Emnet skal gje deltakarane teoretisk og erfaringsbasert kunnskap om korleis menneskelege faktorar kan påverke leiing, situasjonsforståing, kommunikasjon, samhandling og avgjersler i krevjande situasjonar der liv, helse eller store verdiar står i fare.

Gjennom arbeid med emnet vil studentane lære å analysere og forstå menneskelege faktorar som påverkar situasjonsforståing, læring, leiing, samhandling og avgjersler i beredskapssituasjonar. Gjennom arbeid med case vil studentane drøfte korleis ein kan planlegge krisekommunikasjon, ivaretaking og simulering i beredskapsøving.

Studenten skal ved avslutta emne ha følgjande læringsutbytte:

Kunnskap

Studenten kan:

• forstå dei grunnleggjande prinsippa for samvirke i operative situasjonar
• forstå og bruke risiko- og sårbarhetsanalysar (ROS- & Bow-tie-modellane).
• vite korleis både individuelle eigenskapar og samarbeidsforhold i grupper kan påverke kommunikasjon, samhandling og avgjerdsprosessar i kriser og i totalforsvaret.
• beskrive dei viktigaste kjenneteikna ved eit velfungerande og effektivt team.

Ferdigheiter

Studenten kan:

• undersøkje og forklare korleis enkeltpersonar og team kan påverke utfallet av ein operativ situasjon.
• bruke teori og kunnskap frå fagområdet operativ psykologi til å analysere og gjere greie for kva som kan forklare utfallet av en operativ situasjon.

Generell kompetanse

Studenten kan:

• reflektere over etiske og menneskelege utfordringar som kan oppstå i arbeid med kriser og beredskap.
• formidle ei fagleg vurdering av ein operativ situasjon på ein klar og strukturert måte, både skriftleg og munnleg.

Pilotprosjekt haust 2026 ev vår 2027.