Tysk (bachelor)

Velkommen til Det humanistiske fakultet!

Frammøte: Måndag 10.august kl. 08:45 i Auditorium A, Sydneshaugen skole.

Du treng ikkje ta med deg noko anna enn deg sjølv, men det er lurt å ta med noko å drikke og ete.

Her finn du informasjon om studiestart på UiB og programmet for velkomstveka på HF.

Har du spørsmål? Ta kontakt med infosenteret på HF

Vi gler oss til du kjem! 

På tyskstudiet ved UiB får du sterke språkferdigheiter, brei innsikt i litteratur, kultur og historie, og kunnskap om samfunnsliv og miljøpolitikk i Tyskland, Sveits og Austerrike. Vi meiner at du lærer eit språk best ved å bruke det aktivt. Studiet inkluderer mykje undervisning slik at du, saman med medstudentar, får brukt språket. I litteraturdelen av programmet les du mange verk av spennande forfattarar frå 1750 til i dag. I undervisninga diskuterer vi tema knytt til tekstane vi les.

Med ein bachelorgrad i tysk får du:

• gode kunnskapar i tysk grammatikk og lydlære
• grunnleggande ferdigheiter i språkleg, kulturell og litterær analyse gjennom varierte skriftlege og munnlege øvingsoppgåver

ei reflektert og sjølvstendig haldning til lærestoffet, gjennom analysar av språklege, litterære og kulturelle uttrykk i historisk og samfunnsmessig samanheng

Allereie i første semester løfter du språknivået gjennom emne som gir eit trygt grunnlag for vidare studium – anten du kjem rett frå vidaregåande eller ønskjer å friska opp tysken. Eit par gongar i semesteret møtest studentar og tilsette til felles lunsj, gjerne med små innslag og aktivitetar.   

I andre semester får du eit høgdepunkt i studiet: eit tre vekers opphald ved Det tysk-norske studiesenteret ved Universitetet i Kiel (DNSZ) mellom siste undervisningsveke og eksamensperioden. Her deltek du i kurs, ekskursjonar, museumsbesøk og sosiale aktivitetar – og mange vel å bu hos ein tysk vertsfamilie for ekstra språktrening og autentiske kulturmøte. I løpet av studiet får du òg anledning til å vere minst eitt semester på utveksling ved eit tyskspråkleg universitet.  

Som student hos oss har du det meste av undervisninga på Nygårdshøyden midt i Bergen sentrum.

Ein bachelor i tysk gir ettertrakta kompetanse i språk, kultur og formidling. Du blir kvalifisert for arbeid i skulen, kultur- og kunnskapssektoren, forlag, reiseliv, offentleg forvaltning og næringsliv – særleg innan område der samarbeid med tyskspråklege land er viktig. Noreg og Tyskland har eit tett samarbeid, og Tyskland er Noregs største handelspartnar. Gode tyskkunnskapar er derfor ein verdifull ressurs i eit Europa der språk og kulturforståing blir stadig viktigare.

Du må dokumentere generell studiekompetanse utan tilleggskrav. Dette er eit krav for opptak til alle studieprogram.

Undervisningsspråk: Norsk og tysk

Studiet tar utgangspunkt i at du har forkunnskapar, til dømes frå tyskundervisning på vidaregåande skole.

Bachelorprogrammet i tysk er eit treårig fulltidsstudium. Du finn detaljert vekeplan og anbefalt litteraturliste på emnesidene.   

Studieløpet kan sjå slik ut:   

1. semester

Examen Philosophicum (10 studiepoeng) 

Språkkunnskap (10 studiepoeng) 

Introduksjon til tyskstudiet  (10 studiepoeng)  

2. semester

Grunnemne i tysk språk I (10 studiepoeng)  

Tyskspråkleg kultur og historie (10 studiepoeng)  

Nyare tyskspråkleg litteratur (10 studiepoeng)  

Undervisninga i delar av Grunnemne i tysk språk og Tyskspråkleg kultur kan du følge ved Universitetet i Kiel.   

3. semester

 Grunnemne i tysk språk II (10 studiepoeng)  

 Eldre tyskspråkleg litteratur (10 studiepoeng)  

 Samanliknande europeiske kulturstudium (10 studiepoeng)   

4. semester

Utveksling til eit tyskspråkleg universitet

5. semester

Frie emne – vel blant alle opne emne ved UiB eller utveksling (30 studiepoeng) 

6. semester

Fordjuping i tysk språk (10 studiepoeng)

Fordjuping i tyskspråkleg litteratur (10 studiepoeng)

Bacheloroppgåve i tysk (10 studiepoeng)

Alle studentar på programmet kan dra på utveksling til eit tyskspråkleg universitet. Vi anbefaler at du drar på utveksling  i 5. semester, men andre tidspunkt er også mogleg. Du kan vere ute i eitt eller to semester. 

Eit utvekslingsopphald gir deg verdifull kulturell erfaring og språkleg trening. 

Sjå utvekslingsavtalar

UiB tilbyr masterprogram i tysk, om du ønsker vidare studium hos oss.

Studieplan for Bachelorprogram i tysk