Tema i miljøhumaniora

Miljøhumaniora er eit tverrfagleg felt som nyttar metodar, perspektiv og tilnærmingar frå ulike delar av humaniora. Feltet utforskar forholdet mellom menneske og miljø og utviklar nye måtar å tenkje om miljøet på. Det utfordrar førestillinga om at miljøproblem berre er vitskaplege eller tekniske ved å hevde at dei òg spring ut av kulturelle og religiøse verdiar, politiske system og historiske prosessar.

Emnet gir studentane spesialisering i eit relevant tema innan miljøhumaniora. Det spesifikke temaet vil variere frå semester til semester, avhengig av tilgjengelege undervisingsressursar og forskingsinteresser. Instituttet kunngjer kva tema som blir tilbydd før semesterstart.

Studenten skal ved avslutta emne ha følgjande læringsutbyte definert i kunnskap, ferdigheiter og generell kompetanse:

Kunnskap:

• Studenten har kunnskap om viktige tema, teoriar, problem og prosessar innanfor eit spesialisert emne innan miljøhumaniora.

Ferdigheiter:

• Studenten kan nytte sentrale verktøy og metodar knytt til eit tema innan miljøhumaniora.• Studenten kan finne, vurdere og referere til informasjon og akademisk materiale og relatere det til ei problemstilling innan miljøhumaniora.

Generell kompetanse:

• Studenten kan presentere viktig akademisk materiale som teoriar, problem og løysingar og utveksle meiningar med andre fagfellar innan miljøhumaniora.

• Studenten viser forståing for nødvendigheita av kreative og tilpassingsdyktige problemløysingsmetodar for komplekse globale problemstillingar.